ԵՐԵՎԱՆ, 27 սեպտեմբերի — Sputnik. Գերմանիայում բնակվող հայազգի բռնցքամարտիկ Արթուր Աբրահամը հայրիկ է դարձել, այս մասին հայտնել է մարզիկի մամուլի խոսնակ Սիրան Գրիգորյանը Ֆեյսբուքի իր էջում։
«Լույս աշխարհ է եկել Գրիգոր Ավետիքի Աբրահամյանը` Արթուր Աբրահամի (Ավետիք Գրիգորի Աբրահամյան) որդին»,- գրել է Գրիգորյանը հոր և նորածին որդու լուսանկարի տակ։
WBO վարկածով 2-րդ կիսամիջին քաշային կարգի աշխարհի նախկին չեմպիոն Արթուր Աբրահամը հուլիսի 17-ին 50-րդ մենամարտում հաղթեց նորվեգացի Թիմ-Ռոբին Լիհաուգին և այժմ չեմպիոնական գոտու հավակնորդ է։
