Օպերային երգչուհին վտանգավոր է համարել անորակ երաժշտություն քարոզելը։
Նրա համոզմամբ, անհրաժեշտ է անհապաղ հանել այդ նախագիծը եթերից, քանի որ այդպիսի երգ-երաժշտություն մարդիկ կարող են լսել տանը, ռեստորաններում, սակայն չի կարելի դա պրոպագանդել հեռուստատեսությամբ, չի կարելի աղավաղել հասարակության, հատկապես՝ սերնդի ճաշակը։
Հասմիկ Պապյանը տարակուսել է, թե ինչպես են պատասխանատու մարմինները թույլ տվել այդպիսի հաղորդաշարի մուտքը եթեր, որը դիտում է համայն հայությունը աշխարհի տարբեր ծայրերում։
Նա հույս է հայտնել, որ մտավորականները, մշակույթի նախարարությունը կարձագանքեն՝ դատապարտելով անորակ, անճաշակ երաժշտության քարոզը, իսկ նրանք, ովքեր նախաձեռնել են այն՝ կհրաժարվեն դա շարունակելու մտքից, քանի որ, հակառակ դեպքում, կասկածի տակ կդնեն տարիների իրենց վաստակը։
Պետք է անհապաղ զմռսել այդ հաղորդումը. այդպիսին է Հասմիկ Պապյանի վերաբերմունքը։
