ԵՐԵՎԱՆ, 26 սեպտեմբերի — Sputnik. Նորանշանակ վարչապետ Կարեն Կարապետյանն ինքն է Արծվիկ Մինասյանին առաջարկել մնալ և պաշտոնավարել բնապահպանության նախարարի պաշտոնում: Այսօր լրագրողներին հայտնեց ԱԺ ՀՅԴ խմբակցության քարտուղար Աղվան Վարդանյանը:
Այդուհանդերձ, ՀՅԴ-ն ընդունում է վարչապետի առաջարկն ու շարունակելու է աջակցել նաև տնտեսական քաղաքականությանը:
«Այս փուլում դրված խնդիրները շատ հստակ են, և դրանք այն խնդիրներն են, որ մենք ենք դրել: Այս փուլում մենք տեսնում ենք վարչապետի` բոլոր բացասական երևույթների դեմ իսկապես պայքարելու վճռականությունը: Ես հույս ունեմ, որ կարողանալու է»,- ասաց Աղվան Վարդանյանը, ապա ավելացրեց` hույս ունեմ, որ կարողանալու ենք:
Ինչ վերաբերում է դաշնակցական մյուս երկու նախարարներին` կրթության և գիտության նախարար Լևոն Մկրտչյանին ու տարածքային կառավարման և զարգացման նախարար Դավիթ Լոքյանին, Աղվան Վարդանյանը հայտարարեց, որ վերջինները միանշանակ կպահպանեն իրենց պաշտոնները:
