ԵՐԵՎԱՆ, 24 սեպտեմբերի — Sputnik. Ալեքսանդր Նևսկու շքանշանի ասպետ Մարտիրոսովը ձևավորել է մի թիմ, որում ընդգրկված մասնագետները կարողացել են մշակել ավիացիոն համալիրի հիմնական մասերը:
Մարտիրոսովի անմիջական ղեկավարությամբ կյանքի են կոչվել Սու-34 ռմբարկուի հիմնական լուծումները: Հենց այդ լուծումների շնորհիվ է հաջողվել ստեղծել այնպիսի համալիր, որը համապատասխանում է Ռուսաստանի պաշտպանության նախարարության մարտավարական-տեխնիկական առաջադրանքների պահանջներին:
Ավելորդ չի լինի հիշեցնել, որ այս ինքնաթիռով Ռուսաստանի Ռազմատիեզերական ուժերը սահմանել են յոթ ռեկորդ, որոնք առայժմ ոչ ոք չի գերազանցել:
Ավիակոնստրուկտորը շարունակում է զբաղվել սիրելի գործով՝ ապահովելով Սու-34-ի մարտական հնարավորությունների ավելացման աշխատանքների տեխնիկական ղեկավարումը: Սու-34 ռմբարկուն հաջող փորձարկումներ է անցել Սիրիայում Ռուսաստանի Ռազմատիեզերական ուժերի իրականացրած հակաահաբեկչական գործողության ընթացքում:
