ԵՐԵՎԱՆ, 23 սեպտեմբերի — Sputnik. Հայաստանում «Իսկանդեր» համակարգի առկայությունը կնպաստի ղարաբաղյան հակամարտության բանակցային գործընթացին, ասաց Հայաստանի պաշտպանության նախկին նախարար Վաղարշակ Հարությունյանը` մեկնաբանելով Հայաստանի Անկախության օրվան նվիրված զորահանդեսի ժամանակ սպառազինության տեսականու ցուցադրությունը։
«Հայաստանի նորագույն պատմության մեջ դա առավել ներկայացուցչական և հզոր շքերթն էր ոչ միայն սպառազինության քանակով, այլ նաև որակով»,- ասաց Հարությունյանը։
Նրա կարծիքով, վերջին տարիներին հայկական ԶՈՒ մարտունակությունը մի քանի անգամ բարձրացել է։ Հայաստանն ունի տարածաշրջանում ամենաուժեղ ՀՕՊ համակարգը։
Ինչ վերաբերում է Հայաստանին «Իսկանդեր» համակարգեր վաճառելուն, Հարությունյանի խոսքով, դա իշխանությունների ճիշտ քաղաքականության արդյունքն է։
Նրա կարծիքով, Հայաստանի և Ադրբեջանի միջև ռազմական հավասարակշռությունը նախկինում նույնպես չի խախտվել, պետք չէ կապել «Իսկանդերի» վաճառքը դրա հետ։
«Հայաստանին «Իսկանդեր» վաճառելը Ռուսաստանի հետ խորը դաշնակցային հարաբերությունների ապացույց է»,- ասաց Հարությունյանը։
Նա նշեց, որ նման համակարգերի առկայությունը նպաստում է տարածաշրջանում խաղաղության պահպանմանը, հետևանար, նաև Ղարաբաղի հարցով հաջող բանակցային գործընթացին։
Հայաստանի Անկախության 25-ամյակի կապակցությամբ կազմակերպված զորահանդեսին ցուցադրել են «Իսկանդեր» օպերատիվ-մարտավարական համալիրներ, «Սմերչ» համազարկային կրակի ռեակտիվ համակարգեր, «Տոչկա-Ու» մարտավարական հրթիռային համալիրներ, «Սկլադ» օպերատիվ-ռազմավարական նշանակության հրթիռային համալաիրներ, С-300, С-125, «Բուկ», «Ստրելա 10» զենիթա-հևթիռային համակարգեր և համալիրներ։
