ԵՐԵՎԱՆ, 22 սեպտեմբերի — Sputnik. Դավիթ Հարությունյանն առաջարկեց փոփոխություններ անել ավիափոխադրումների ծառայությունների մասին նախագծում, և գնումների գործընթացը դարձնել բաց, թափանցիկ, հասարակության կողմից վերահսկելի։
«Ցանկացած անձ իրավունք ունի անմիջապես այդ ընկերությունից քարտով գնել այլ տոմս, եթե այն ավելի էժան է»,- ասաց Դավիթ Հարությունյանը։
Նախագիծն ընդունվեց, սակայն վարչապետ Կարապետյանը դիտարկում արեց։
«Վերացրեք պրիմիտիվ գողությունը ձեր համակարգերում, այդ ամեն ինչը կարգի բերեք: Ինձ որ պատմում են` ինչ սխեմաներ են անում՝ ուղղակի ֆանտազիա է։ Եթե այդ մարդիկ իրենց խելքն օգտագործեն այլ տեղերում, հաստատ ավելի արդյունավետ կլինի»,-ասաց Կարապետյանը։
