Գյումրու ավագանու ԲՀԿ թեկնածու Վարդևան Գրիգորյանի որդու՝ Արշակ Գրիգորյանի, մահվան պատճառը ինքնասպանություն որակելը առնվազն ժամանակավրեպ հայտարարություն էր, որ արեցին իրավապահ մարմինները, համոզված է Ազգային Ժողովի ԲՀԿ պատգամավոր Վահե Էնֆիաջյանը։
Պատգամավորի խոսքով, Արշակ Գրիգորյանը չի ունեցել առողջական,սոցիալական խնդիրներ, եղել է հարգված ու գործունյա երիտասարդ, երբեք քրեական պատասխանատվության չի ենթարկվել։
ՈՒստի, նրա համոզմամբ, իրավապահ մարմինների հայտարարությունն ուղղորդված է և ոչ արժանահավատ։
Բացի այդ, ըստ Էնֆիաջյանի, կրակոցը ձախ կողմից է եղել, մինչդեռ Արշակ Գրիգորյանը աջլիկ է։ Նա նշեց, իրավապահ մարմիններն առայժմ կոնկրետ փաստարկներ չեն նշում, որպեսզի հնարավոր լինի հստակ պատկերացում կազմել կատարվածի մասին։
Ինչ մնում է Գյումրիում ընտրապայքարը շարունակելուն, էնֆիաջյանն ասաց, որ այդ պայքարն ավելի ակտիվ կընթանա։
