ԵՐԵՎԱՆ, 21 սեպտեմբերի — Sputnik, Լաուրա Սարգսյան. Ամիրյան փողոցում աղմկոտ է, սակայն, սա ավտոմեքենաների այն սովորական ձայնը չէ։ Կենտրոնական հրապարակ են գալիս ընտանիքներով, ընկերներով, երեխաների հետ` անցնելով փողոցում տեղադրված տեխնիկայի կողքով և լուսանկրավելով զինվորականների հետ։
Այնպիսի տպավորություն է, կարծես, քաղաքի կենտրոնը վերածվել է բաց երկնքի տակ մի թանգարանի ` ներկայացվում է ԶՈՒ բալանսի վրա գտնվող ռազմատեխնիկայի բազմազանությունը։
«Անկախությունն ինձ համար խաղաղ երկինքն է, սեպտեմբերի 21-ը` անկախության օր ունենալու հնարավորությունը», — Sputnik Արմենիայի թղթակցի հետ զրույցում ասաց Հայաստանի հատուկ նշանակության ուժերի զինծառայողը, որը չցանկացավ ներկայանալ։
Փոքր և մեծ տարիքի անցորդները դրոշներով և եռագույնով նկարազարդած դեմքերով պարբերաբար կանգ են առնում տեղխնիկայի մոտ` ուսումնասիրելով այն կամ լուսանկարվելով նրա մոտ։
Զորահանդեսին ներկա գտնվել շտապում էր Սամվել Հովսեփյանը՝ որդու հետ։ Հովսեփյանը ծնվել է ԽՍՀՄ տարիներին և լավ է հիշում այն օրը, երբ Հայաստանն անկախացավ։ Նրա համար սա կրկնակի տոն է, քանի որ նա ծնվել է սեպտեմբերի 21-ին։
«Մեր տղերքը մեր ուժն ու հենարանն են, իսկ անկախությունն այն արժեքը, որը մեզանից յուրաքանչյուրս պետք է պահպանի», — ասաց Սամվելը։
Նա ասաց, որ դաստիարակում է որդուն հայրենասիրության և հայրենիքի նկատմամբ սիրո ոգով։
«Թող որդուս մեջ, վերլուծելով տեսածը, ձևավորվի անկախության զգացումը, հայրենիքի նկատմամբ սիրո հասկացությունը», — խոսքը եզրափակեց Սամվելը և ուղղվեց դեպի հրապարակ։
Դրան զուգահեռ, մարդկանց ձայները, որոնք ազդարարում էին շքերթի սկիզբը, միակառնվեցին երաժշտության ձայների հետ։ Այդ ընթացքում հրապարակ շտապող մարդկան քանակը շատանում էր։
Հայաստանը միակ երկիրն էր, որը դուրս եկավ Խորհրդային Միության կազմից հանրաքվեի մասին խորհրդային օրենքի համաձայն։
Հայաստանի Գերագույն Խորհրդի որոշմամբ, 1991 թվականի սեպտեմբերի 21-ին հանրաքվե անցկացվեց ԽՍՀՄ կազմից դուրս գալու և անկախ պետականության հռչակման վերաբերյալ։ Ընտրելու իրավունք ունեցող քաղաքացիների 94,99% այդ հարցին դրական պատասխան տվեց։
