ԵՐԵՎԱՆ, 21 սեպտեմբերի — Sputnik. Մոսկվայի կենտրոնի Հեղափոխության հրապարակում բացվել է հայկական ապրանքների «Ոսկե նուռ» տոնավաճառը, որը նվիրված է սեպտեմբերի 21-ին նշվող Հայաստանի Անկախության օրվան: Ինչպես հայտնում է ՌԻԱ Նովոստին, տոնավաճառը կշարունակվի հինգ օր:
«Այն բազմաձայնության մեջ, որը ստեղծում է մեր քաղաքի բարգավաճումը, զգալի դեր է խաղում հայ համայնքը»,- տոնավաճառի բացմանը հայտարարել է Մոսկվայի կառավարության անդամ, Արտաքին տնտեսական և միջազգային կապերի դեպարտամենտի ղեկավար Սերգեյ Չերյոմինը:
«Ոսկե նուռ» տոնավաճառում ներկայացվել են հայկական ապրանքներ, ոսկերչական իրեր և հուշանվերներ, ազգային արվեստի գործեր:
Միջոցառման շրջանակում մայրաքաղաքում նաև հայ-մոսկովյան մարդասիրական համաժողով կանցկացվի։ Տոնավաճառը մեկնարկել է Մոսկվայի Հայկական թատրոնի դերասանների և տարբեր համույթների տոնական համերգով։
«Ոսկե նուռ» առաջին տոնավաճառն անցկացվել է Մոսկվայում 2005 թվականին։
