ԵՐԵՎԱՆ, 21 սեպտեմբերի — Sputnik. Հայաստանի անկախության 25-րդ տարեդարձի օրը հայ ցանցահեններն ադրբեջանական մի շարք կայքեր են կոտրել: Հայկական կիբեռբանակի ֆեյսբուքյան էջում նշված է, որ հայ հաքերները ադրբեջանական մի շարք կայքերում դրել են Հայաստանի դրոշը պատկերող նկար և շնորհավորական ուղերձ Հայաստանի Հանրապետության 25-ամյակի կապակցությամբ:
Մոնթե Մելքոնյանի կիբեռբանակի ֆեյսբուքյան էջն էլ հայտարարություն է տարածել, ըստ որի՝ խմբի իրականացրած գործողությունների ընթացքում հասանելի են դարձել ադրբեջանցի 1200 սպաների անձնական տվյալները, որի մեջ ներառվում են նույնականացման համարներ, հեռախոսահամարներ, բնակության հասցեներ և այլ անձնական տվյալներ:
«Խմբի, Noyer_1K, n0p_c0ntr01-ի կողմից իրականացված մեկ այլ գործողության արդյունքում հասանելիություն է ստացվել ադրբեջանական բանկերից մեկի հաճախորդների տվյալների բազային, որը ներառում է շուրջ 10,000 մարդու անձնական տվյալ…. Շնորհավոր տոնդ Հայաստան»,- ասված է խմբի տարածած հայտարարության մեջ:
