Անահիտ Բախշյանը վստահեցնում է` ձեռքերը թափ տալ ու հեռանալ չի կարելի, բոլոր թերություններն ու տգեղ երևույթները հաշվի առնելով` միևնույն է, պետք է շնորհավորել միմյանց, որովհետև մենք ունենք Երրորդ Հանրապետություն, որը 25 տարեկան է։
«25 տարեկան երիտասարդ է, որն ունեցել է շատ ծանր մանկությունը, և այդ մանկությունն անցել է ցավի, սովի և պատերազմի միջով, բազում քաջ զավակներ է կորցրել Արցախյան պատերազմում։ Այդ մանկության դժվար տարիների ընթացքը շատ լուրջ հետք է թողել այսօրվա երիտասարդի առողջության վրա։ Այո, առողջ չի մեծացել, շատ հիվանդություններ ունի և ամբողջ հայության սիրո կարիքն ունի»,- ասում է Բախշյանը։
Նրա խոսքով` պարտավոր ենք առողջացնել այդ հիվանդ մարմինը, պարտավոր ենք ուժեղացնել մեր պետականությունը, թողնել արժանապատիվ կյանք մեր երեխաների և եկող սերունդների համար։
