ԵՐԵՎԱՆ, 20 սեպտեմբերի —Sputnik. Հայկական ճարտարապետությունում միշտ կարևոր տեղ է զբաղեցրել ազգային յուրահատկությունը, և հիմա ժամանակակից ճարտարապետները միջոց են որոնում իրենց ստեղծագործություններում ազգայինն ու ժամանակակիցը համադրելու համար, Sputnik Արմենիայի թղթակցին ասաց Ալեքսանդր Թամանյանի անվան ճարտարապետության թանգարան-ինստիտուտի տնօրեն Անուշ Տեր-Մինասյանը։
Նրա խոսքով, միշտ այդպես է եղել։ Նույնիսկ ականավոր խորհրդային հայ ճարտարապետ Ալեքսանդր Թամանյանը այդ կերպ է վարվել. օգտագործել է իր ժամանակի ամենահայտնի գաղափարները` ազգային ավանդույթների համադրությամբ։
![Архитектурная выставка, посвященная 25-летию независимости Армении Архитектурная выставка, посвященная 25-летию независимости Армении - Sputnik Արմենիա](https://cdn.am.sputniknews.ru/img/494/02/4940294_0:0:1000:750_600x0_80_0_0_3668639cace856998a86026c618bc4d4.jpg)
Սեպտեմբերի 20-ին, Հայաստանի անկախության 25-ամյակին նվիրված միջոցառումների շրջանակում, Ալեքսանդր Թամանյանի անվան ճարտարապետության ազգային թանգարան-ինստիտուտում բացվեց «Երրորդ հանրապետության ճարտարապետությունը. 1991-2016» անվաամբ ցուցահանդեսը, որում ներկայացված է 112 տաղավար և չորս մակետ` ժամանակակից շենքերի ու շինությունների պատկերով։
![Архитектурная выставка, посвященная 25-летию независимости Армении Архитектурная выставка, посвященная 25-летию независимости Армении - Sputnik Արմենիա](https://cdn.am.sputniknews.ru/img/494/02/4940239_0:0:1000:728_600x0_80_0_0_63b57111d7946eb35a67cefc7bca7b0b.jpg)
Դրանց շարքում են Սուրբ Գրիգոր Լուսավորիչ եկեղեցու շենքը, ինչպես նաև Հյուսիսային պողոտայի շենքերը։
«Այսօրվա ցուցահանդեսը շատ կարևոր է, քանի որ տեղի է ունենում Հայաստանի անկախության 25-ամյակին նվիրված միջոցառումների շրջանակում։ Այն ներկայացնում է ճարտարապետությունը` մեր կյանքի ամենակարևոր բաղադրիչներից մեկը։ Այդպես եղել է բոլոր ժամանակներում, քանի որ ճարտարապետությունն արտացոլել է երկրի վիճակը, ժողովրդի մտածողությունը և նրա գեղարվեստական պատկերացումը»,- ասաց Տեր-Մինասյանը։