ԵՐԵՎԱՆ, 20 սեպտեմբերի — Sputnik. ՀՀ քննչական կոմիտեից Sputnik Արմենիային հայտնեցին, որ դեպքի վերաբերյալ ահազանգը ստացել են բժշկական կենտրոնից, որ գլխի շրջանում հրազենային վնասվածքով իրենց մոտ է տեղափոխվել Արշակ Գրիգորյանի դիակը։
Շիրակի մարզային քննչական վարչությունում ձեռնարկված անհետաձգելի քննչական գործողությունների արդյունքում պարզվել է դեպքի վայրը, որը հանդիսանում է տուժողի տան նկուղը։
Դեպքի վայրի զննությամբ հայտնաբերվել են արյան հետքեր, «Մակարով» տեսակի ատրճանակ, հարցաքննվում են վկաներ։
Մեր տեղեկություններով` ընտանիքի անդամները բակում են եղել այն պահին, երբ տղան իջել է տան նկուղ, որտեղից քիչ անց կրակոցի ձայն է հնչել։
