ԵՐԵՎԱՆ, 18 սեպտեմբերի — Sputnik. Երկու ընտրատեղամաս գործում է նաև Հայաստանում` Երևանում և Գյումրիում: Հայաստանի տարածքում ընտրությունները սկսվել են տեղի ժամանակով ժամը 8-ին:
Ընտրատեղամասերից մեկը գործում է Հայաստանում Ռուսաստանի դեսպանատան տարածքում:
Ինչպես Երևանում քվեարկության վայրից հայտնում է Sputnik Արմենիայի թղթակիցը, արդեն քվեարկել է ավելի քան 30 մարդ՝ հիմնականում զինծառայողները, Հայաստանում բնակվող Ռուսաստանի քաղաքացիները, ինչպես նաև ռուս զբոսաշրջիկները:
Ռուսաստանից դուրս աշխարհի 145 երկրներում բացվել է 360 ընտրատարածք:
