Թևանյանի խոսքով` տեղական ինքնակառավարման մարմինների ընտրությունների արդյունքը կախված է լինելու իրենց աշխատանքից։
«Ծանոթ ենք այն բոլոր մեթոդներին, որոնք կարող են կիրառվել։ Մեր պատասխանատուներն արդեն ներկայացնում են, թե որ տեղամասերում խնդիրներ կան։ Թե ինչպիսին կլինի արդյունքը, կերևա հոկտեմբերի 3-ին։»,- ասաց Թևանյանը։
Նա անդրադարձավ նաև Գյումրու թեմային, որտեղ առանձնակի թեժ նախընտրական պայքար է ընթանում։
«Մենք մի քանի կուսակցություններով պայմանավորվել ենք միմյանց օժանդակություն ցուցաբերել ընտրակեղծիքների դեմ պայքարելու համար, համատեղ քայլեր են իրականացվելու։ Կոնկրետ Գյումրիում 125 հազար մարդ է ներառված ցուցակում, և մեր տվյալներով` դա ուռճացված թիվ է։ Այժմ մենք այդ ցուցակներն, այսպես ասած, մաքրում ենք, որպեսզի տեսնենք իրական թիվը և հասկանանք, թե ովքեր կարող են մասնակցել տեղամասերում»,- ասաց Թևանյանը։
Նրա խոսքով` ամեն ինչ կանեն, որպեսզի ընտրակեղծիքներ չլինեն։
