ԵՐԵՎԱՆ, 17 սեպտեմբերի — Sputnik. Երկու ռուս պայմանագրային զինծառայող մահացել է Հայաստանում տեղի ունեցած ճանապարհատրանսպորտային պատահարի հետևանքով, այդ տեղեկատվությունը Sputnik Արմենիային հաստատել է Հարավային ռազմական օկրուգի մամուլի ծառայությունը:
«Նախնական տվյալներով, պայմանագրային զինծառայողը ծառայությունից ազատ ժամանակ անձնական մեքենան վարելիս կորցրել է կառավարումը և դուրս եկել ճամփեզրից Վանաձոր քաղաքի մոտ: Ավտոմեքենայում եղել է ևս երեք պայմանագրային զինծառայող»,- հաղորդել են ՀՌՕ մամուլի ծառայությունից:
Երկու զինծառայող մահացել է, ևս երկուսը տեղափոխվել է Երևանի ռազմական հոսպիտալ, որտեղ նրանց ցուցաբերվում է անհրաժեշտ բժշկական օգնություն:
ՃՏՊ փաստով իրավապահ մարմինները ռուսական ռազմաբազայի հրամանատարության հետ ստուգում են իրականացնում:
