ԵՐԵՎԱՆ, 17 սեպտեմբերի — Sputnik, Անի Լիպարիտյան. Սեպտեմբերի 16-ի երեկոյան «Զբոսաշրջային Հայաստան 2016» երրորդ մրցանակաբաշխության շրջանակում պարգևատրվեցին ոլորտի լավագույն ներկայացուցիչները: Պարգևների արժանացան կազմակերպություններ և ֆեդերացիան, որոնք զգալի ավանդ են ունեցել Հայաստանում զբոսաշրջության զարգացման մեջ:
Հայաստանի տարածքում գտնվող դեսպանատները միայն լավ քաղաքական հարաբերությունների նշան չեն: Դա վստահության հատուկ մակարդակ է, հատկապես զբոսաշրջիկների շարքում, որոնք, իմանալով տվյալ երկրում իրենց պետության դիվանագիտական ներկայացուցչության մասին, ազատ մեկնում են ճանապարհորդության:
Զբոսաշրջության ոլորտի ներկայացուցիչների պարգևատրմանը ներկա էին տարբեր դիվանագիտությունների ներկայացուցիչներ, օրինակ, Հայաստանում Ռուսաստանի արտակարգ և լիազոր դեսպան Իվան Վոլինկինը:
![Церемония награждения Армения туристическая 2016 Церемония награждения Армения туристическая 2016 - Sputnik Արմենիա](https://cdn.am.sputniknews.ru/img/1543/47/15434797_0:0:1000:562_600x0_80_0_0_1a2aa2dd35b7052ae263cb9b1a36998d.jpg)
«Այստեղ գտնվում են մարդիկ, որոնք լավ գիտեն Հայաստանը, պատրաստ են պատմել նրա մասին և ցույց տալ ողջ աշխարհին… Թեև Հայաստանը փոքր երկիր է, այնքան հետաքրքիր բան կա, այնքան հիանալի ճարտարապետական հուշարձան և հիասքանչ բնություն»,- ասաց Վոլինկինը:
Ընկերությունները և զբոսաշրջության ոլորտին առնչվող անհատները նախօրոք հայտ էին ներկայացրել: Այդպիսով, բեմ դուրս եկան 14 անվանակարգերում լավագույնները:
Օրինակ, «Էքստրեմալ զբոսաշրջության 2016-ի նախագիծ» անվանակարգում հաղթեց Հայաստանի ալպինիզմի և լեռնային զբոսաշրջության ֆեդերացիան և նրա մանկական բաժինը։
«2016թ-ի հնագիտական խումբ» անվանակարգում հաղթեց հնագետ Հակոբ Սիմոնյանի գլխավորած խումբը: Նա պեղումներ է անցկացնում Աղցք գյուղում:
«2016թ-ի հանգստավայր» անվակարգում հաղթանակ տարավ «Ջերմուկ Արմենիա» հանգստավայրը:
«Ազգային ավանդույթների պահպանման 2016-ի նախագիծ» անվանակարգում հաղթեց Megerian carpet հայկական գորգերի գործարանը, որը շուրջ 100-ամյա պատմություն ունի: Անվանակարգերը և հաղթողները շատ էին:
![Церемония награждения Армения туристическая 2016 Церемония награждения Армения туристическая 2016 - Sputnik Արմենիա](https://cdn.am.sputniknews.ru/img/491/39/4913941_0:0:1000:750_600x0_80_0_0_c55b552f90c5849a319d690a1b23cfd2.jpg)
Մրցանակաբաշխությունն ուղեկցվեց տոնական ճաշկերույթով և Հայաստանի հանրային հեռուստառադիոընկերության էստրադային-սիմֆոնիկ նվագախմբի ջազ-բենդի հիանալի երաժշտությամբ՝ Երվանդ Երզնկյանի գլխավորությամբ:
Միջոցառմանը ներկա հյուրերը տոնական տեսք ունեին և համակված էին պարգևներ ստանալու սպասումով: Երեկոյի հաղորդավարներն էին Հայաստանի վաստակավոր արտիստ Սարգիս Նաջարյանը և «Զբոսաշրջային Հայաստան» ամսագրի գլխավոր խմբագիր Ելենա Շուվաևա-Պետրոսյանը:
Նախագծի նպատակն է նպաստել Հայաստանում զբոսաշրջության զարգացմանը, բացահայտել առավել հաջողակ նախագծերը։