ՐԵՎԱՆ, 13 սեպտեմբերի — Sputnik.Սարի թաղում լրագրողների նկատմամբ կատարված բռնությունների դեպքերով իրականացվելու է լրիվ, օբյեկտիվ, բազմակողմանի նախաքննություն: Այսօր Ազգային ժողովի ամբիոնից, պատասխանելով պատգամավոր Էդմոն Մարուքյանի հարցին, հայտարարեց ՀՀ գ;խավոր դատախազի թեկնածու Արթուր Դավթյանը՝ վստահեցնելով, որ միջադեպերի բոլոր մասնակիցների արարքներին կտրվեն լիարժեք գնահատականներ:
«Ի վերջո, մենք հանգելու ենք մի փուլի, երբ կա՛մ դատի ենք տալու ոստիկանության աշխատակիցներին, կա՛մ եթե չհիմնավորվի, հետապնդումը դադարեցնելու մասին որոշումներ ենք կայացնելու»,- ասաց նա:
Արթուր Դավթյանը նաև խոստացավ հետագայում այս դեպքերը գնահատել արդեն գլխավոր դատախազի դիրքից:
Պատգամավոր Վահե Հովհաննիսյանը, վկայակոչելով համացանցում առկա լուսանկարներն ու տեսանյութերը, նշեց, որ լրագրողների նկատմամբ բռնարարքներ են իրականացրել նաև քաղաքացիական հագուստով «բանդաներ»՝ գլխավոր դատախազի թեկնածուից հետաքրքրվեց, թե ինչպես է պատրաստվում պայքարել դրանց դեմ ու կանխել հնարավոր այլ բռնությունները:
Ի պատասխան Արթուր Դավթյանը խոստացավ օբյեկտիվ նախաքննություն իրականացնել՝ վստահեցնելով, որ հասարակությունը հետագայում գնահատական տալու առիթ կունենա:
