ԵՐԵՎԱՆ, 12 սեպտեմբերի — Sputnik, Մարիա Շելուդյակովա. Հայ հրատարակիչները մասնակցել են գրքի ամենահեղինակավոր ցուցահանդեսներից մեկին` Գրքի մոսկովյան 29-րդ միջազգային ցուցահանդես-վաճառքին, որը տեղի է ունեցել Մոսկվայում` Ժողովրդական տնտեսության ձեռքբերումների ցուցահանդեսում, սեպտեմբերի 7-11-ը։
Մոսկվայի ամենահայտնի հասարակական հարթակներից մեկում այս տարի հավաքվել էին Ռուսաստանի և այլ երկրների ավելի քան 500 հրատարակչությունների ներկայացուցիչներ։ Ընդ որում` ցուցահանդեսը ոչ միայն նոր գրքերն են, այլև հանդիպումները հեղինակների հետ. ժամանակակից գրականությունը ներկայացնում էին անվանի գրողներ, թատրոնի և կինոյի դերասաններ, մշակույթի գործիչներ, քաղաքական գործիչներ և գիտնականներ։ Հայ հրատարակիչները մասնակցում են այս ցուցահանդես-վաճառքին սկսած 1977թ-ից` դրա ստեղծման առաջին տարուց։ ԽՍՀՄ փլուզումից հետո ոչ մեծ դադար է եղել, բայց 1977թ-ից հայերն այս ցուցահանդեսում ավանդական հյուրեր են։
Sputnik-ի թղթակցին Հայաստանի տաղավարը ներկայացրեց Խաչիկ Վարդանյանը` Bookinist հրատարակչության տնօրենը։ Հայկական հրատարակչությունների մասնակցությունը կազմակերպել է Հայաստանի մշակույթի նախարարությունը։ Մասնակիցները Մոսկվայում ներկայացնում են ժամանակակից հայ գրականությունը։
![Стенд Армении на выставка книг в ВДНХ Стенд Армении на выставка книг в ВДНХ - Sputnik Արմենիա](https://cdn.am.sputniknews.ru/img/486/72/4867234_0:0:5184:3456_600x0_80_0_0_7582e2d6a0802831b87fac063081a923.jpg)
«Bookinist ընկերությունը, որը ես ներկայացնում եմ, վերջին տարիներին սկսել է հրատարակել սեփական գրքերը։ Մենք բերել ենք մեր գրքերը։ Դրանք տարբեր ուղղվածության են»,- ասաց Վարդանյանը։
Հրատարակչի կարծիքով` տարիների հետ մոսկովյան ցուցահանդեսը կորցնում է իր կշիռը` գրքի նկատմամբ հետաքրքրության անկման պատճառով։
«Նախկինում այդ տոնավաճառը խոշոր միջազգային ցուցահանդես էր։ Ցավոք, տարեցտարի մասնակիցները նվազում են, եթե անկեղծ ասեմ` միջոցառումները պակաս հետաքրքիր են դառնում։ Եղել են ժամանակներ, երբ բոլոր երեք սրահները լեփ-լեցուն են եղել, իսկ հիմա միայն մեկ սրահ է, այն էլ` ոչ լրիվ։ Ինչո՞ւ է այդպես։ Գրքի նկատմամբ հետաքրքրությունը նվազում է։ Քիչ են կարդում։ Այդ ժամանակներն անցել են»,- մտահոգություն հայտնեց նա։
![Хачик Варданян Хачик Варданян - Sputnik Արմենիա](https://cdn.am.sputniknews.ru/img/486/73/4867380_0:0:5184:3456_600x0_80_0_0_f50b9c1b2822418f4ca5c926418e49b8.jpg)
Միաժամանակ հրատարակիչը համոզված է, որ վաղ թե ուշ գիրքը կրկին տարածված կլինի, որովհետև նոութբուքերը, սմարթֆոնները միայն տեղեկատվության կրիչներ են, իսկ գիրքը նախևառաջ հաճույք է։ Հայկական տաղավարում ներկայացված են ռուսերեն և հայերեն գրքեր։ Դրանք հիմնականում հայկական ժողովրդական հեքիաթներ են և դասական ստեղծագործություններ, ցուցահանդեսում հենց այդ գրքերն են մեծ պահանջարկ վայելում։
«Ռուսաստանում հայկական գրքի նկատմամբ հետաքրքրությունը շատ մեծ է, մասնավորապես, մանկական գրականության։ Ընդ որում` հայկական թեմատիկան հետաքրքրում է ոչ միայն հայերին, այլև ռուսներին։ Հետաքրքրվում են արևելագետները, տարբեր ոլորտի մասնագետները, պատմաբանները, քաղաքագետները։ Մենք հետաքրքիր նորույթ ենք բերել այստեղ` «Հայերը և շումերները»։ Գիրքը գրել է հնագետը մատչելի գիտահանրամատչելի լեզվով։ «Այդ անհավանական հայերը» գիրքը հետաքրքիր կլինի բոլորին, որովհետև գրված է նուրբ հումորով։ Որպես հրատարակիչ` ես ոչ բոլոր փաստերի հետ եմ համաձայն, բայց ինչ արած», — պատմեց Վարդանյանը։
![Московская книжная ярмарка Московская книжная ярмарка - Sputnik Արմենիա](https://cdn.am.sputniknews.ru/img/486/74/4867450_0:0:1200:675_600x0_80_0_0_268d1478c13c2101e0b78bfd62a87a17.jpg)
Գրքի մոսկովյան միջազգային ցուցահանդես-վաճառքի շրջանակում տեղի է ունեցել ավելի քան 800 միջոցառում, որոնց շարքում` հանդիպումներ ժամանակակից հեղինակների հետ, շնորհանդեսներ, բանավեճեր գրական ոլորտի արդի թեմաների շուրջ, ինչպես նաև գրական մրցանակների դափնեկիրների պարգևատրում։