ԵՐԵՎԱՆ, 12 սեպտեմբերի — Sputnik. Հարավային ռազմական օկրուգի մամուլի ծառայությունը հայտնում է, որ ռուսական ռազմական ինքնաթիռները զորավարժությունների ընթացքում ավելի քան 30 թռիչք են իրականացրել։
«Թռիչքային վարժությունների ժամանակ ՄիԳ-29 կործանիչների և Մի-24, Մի-8 ուղղաթիռների անձնակազմներն ուսումնասիրել են տեղանքը, ուղեկցել մոտոհրաձգային և հատուկ ստորաբաժանումների շարասյանը, տեղափոխել նյութական պաշարներն ու հետախուզական խմբերին», — գրված է հաղորդագրության մեջ։
Զորավարժությունների ընթացքում ավիատեխնիկան Երևանի օդանավակայանից Գյումրու օդանավակայան տեղափոխելու գործողություններ են մշակվել։ Օդում ռազմական օդաչուները կապ են հաստատել ցամաքում գտնվող կառավարման խմբի հետ։
Թռիչքներն անցկացվել են ցածր բարձրությունների վրա լեռնային ռելիեֆի պայմաններում գիշերային և ցերեկային ժամերին։ Ուղղաթիռների անձնակազմն ու կործանիչների օդաչուները Հայաստանի երկնքում անցկացրել են ավելի քան 35 ժամ։
Զորավարժություններին մասնակցել են փորձառու օդաչուներն ու ավելի քան 500 ժամ թռիչք իրականացրած երկրորդ դասից ոչ ցածր որակավորում ունեցող բորտտեխնիկները։
