ԵՐԵՎԱՆ, 11 սեպտեմբերի — Sputnik. Վիրջինիա նահանգի Ռիչմոնդ քաղաքում 92 տարեկանում մահացել է Գրետա Ֆրիդմանը: Այս մասին հայտնում է ՌԻԱ Նովոստին՝ հղում անելով Associated Press-ին:
Գրետա Ցիմեր Ֆրիդմանին և Ջորջ Մենդոսային համբավ է բերել լուսանկարիչ Ալֆրեդ Էյզենշտադտի հուզիչ լուսանկարը, որն արվել է Նյու Յորքի Թայմս սքվերում 1945թ-ին՝ Ճապոնիայի նկատմամբ տարած հաղթանակի օրը: Ֆրիդմանն ասել է, որ լուսանկարում պատկերված համբույրն ինքնաբուխ է եղել:
Գրետա Ֆրիդմանի որդի Ջոշուան հայտնել է, որ մայրը մահացել է սեպտեմբերի 8-ին: Մինչ այդ կինը տառապել է թոքաբորբից:
Երկար ժամանակ տարբեր մարդիկ հայտարարում էին, որ հենց իրենք են լուսանկարի հերոսները, և միայն տասնամյակներ անց հաստատվեց, որ լուսանկարում պատկերված են Մենդոսան ու Ֆրիդմանը:
