ԵՐԵՎԱՆ, 10 սեպտեմբերի — Sputnik. Հայաստանի հավաքականի կիսապաշտպան Հենրիխ Մխիթարյանի համար «Մանչեսթեր Յունայթեդի» մեկնարկային կազմում առաջին խաղն ավարտվեց իր թիմի պարտությամբ։ Այս մասին գրում է shahta.org-ը:
«Մանչեսթեր Յունայթեդի» դեմ խաղում մարզիչ Ժոզե Մոուրինյոն թույլ տվեց Մխիթարյանին առաջին անգամ խաղալ «կարմիր դևերի» հետ:
«Ցավոք, Մխիթարյանն առաջին խաղակեսում մոլորվեց խաղադաշտում, հակառակորդի դարպասների համար որևէ խոչընդոտ չստեղծեց և մի քանի լուրջ սխալ թույլ տվեց: Երկրորդ խաղակեսում նրա փոխարեն խաղադաշտ դուրս եկավ Հերերան», — գրում է պարբերականը:
Անգլիայի առաջնության չորրորդ տուրի շրջանակում կայացած դերբին ավարտվեց 2:1 հաշվով` հօգուտ «Սիթիի»: Երկու հայտնի մարզիչների` Մանչեսթեր տեղափոխվելուց հետո սա Խոսե Գվարդիոլայի առաջին հաղթանակն էր Ժոզե Մոուրինյոյի նկատմամբ:
