Սակայն, ապրիլյան, ապա նաև հուլիսյան իրադարձություները՝ կապված «Սասնա ծռերի» կողմից ՊՊԾ գնդի գրավման հետ, Հանրային խորհրդի նախագահի դիտարկմամբ, էլ ավելի խորացրեցին այն համոզմունքը, որ անհրաժեշտ են նոր մոտեցումներ, իսկ նոր մոտեցումները, Վազգեն Մանուկյանի համոզմամբ, նաև նոր մարդիկ են պահանջում:
«Անձից շատ բան է կախված, որովհետև մարդիկ են կառուցում այդ համակարգը: Այնպես չէ, որ մարդը գալիս է ու համակարգի գերին է դառնում, նա պետք է նաև պատրաստ լինի համակարգը փոխելու: Վարչապետի գործունեությունը կախված է նաև համակարգից, բայց շատ մեծ նշանակություն ունի նաև նրա անձը, մեծ նշանակություն ունի նաև նրան սատարող թիմը: Եթե իր պատկերացումները Հայաստանի մասին չհամընկնեն իր թիմի սպասումների հետ, ինքը կմնա միայնակ և ուզած-չուզած ինքն էլ կգնա»,- Sputnik Արմենիայի հետ զրույցում ասել է Վազգեն Մանուկյանը:
