ՀՀ սպորտի և երիտասարդության հարցերի նախարարի մամուլի քարտուղար Աստղիկ Մարտիրոսյանը Sputnik Արմենիային հայտնեց, որ այն մարզիկները, որոնք խաղերին մասնակցելու նպատակով մեկնել են Ղրղըզստան, ինքնագործունեությամբ են զբաղվել։
Խաղերի կազմակերպիչները ՀՀ սպորտի և երիտասարդության հարցերի նախարարությանը դիմելուց բացի, դիմել են նաև ՀՀ-ում գործող մի քանի ֆեդերացիայի, և այդ ֆեդերացիաների որոշ մարզիկներ իրենց նախաձեռնությամբ և իրենց հաշվին մեկնել են խաղերին` այդ մասին չհայտնելով գերատեսչությանը։
Աստղիկ Մարտիրոսյանի խոսքով`ՀՀ սպորտի և երիտասարդության հարցերի նախարարությունը նախաձեռնել է մի գործընթաց, որով պետք է մարզաձևերի ֆեդերացիաներն անպայման լիցենզավորվեն։
«Այդ դեպքում նմանատիպ ինքնագործունեությունը կբացառվի, և ինքնակոչ մարզիկները կզրկվեն միջազգային մրցահարթակներում որպես ՀՀ ներկայացուցիչ հանդես գալու հնարավորությունից»,- ասաց նա։
