ԵՐԵՎԱՆ, 7 սեպտեմբերի — Sputnik. ՀԱՊԿ-ում Հայաստանի Հանրապետության մշտական և լիազոր ներկայացուցիչ Դավիթ Վիրաբյանի նախագահությամբ անցկացված նիստի ընթացքում համաձայնեցվել է Հավաքական անվտանգության խորհրդի հերթական նստաշրջանի օրակարգը ։ Այս մասին նշված է գրված է կազմակերպության կայքում։
Նիստին մասնակցել են ՀԱՊԿ գլխավոր քարտուղարի տեղակալները, Քարտուղարության և Կազմակերպության միացյալ շտաբի ներկայացուցիչները։
«Դիտարկվել ու համաձայնեցվել են Հավաքական անվտանգության խորհրդի հերթական նստաշրջանի ու արտգործնախարարների խորհրդի, պաշտպանության նախարարների խորհրդի ու ՀԱՊԿ անվտանգության խորհուրդների քարտուղարների կոմիտեի համատեղ նիստի օրակարգի նախագծերը: Դրանց անցկացումը ծրագրված է հոկտեմբերի 14-ին Երևանում»,- նշված է հաղորդագրության մեջ։
Նիստի ժամանակ ուսումնասիրվել և համաձայնեցվել է նաև ՀԱՊԿ անդամ պետությունների արտգործնախարարների առաջիկա աշխատանքային հանդիպման օրակարգը։ Հանդիպումը կայանալու է սեպտեմբերի 22-ին Նյու Յորքում:
