ԵՐԵՎԱՆ, 7 սեպտեմբերի — Sputnik. Քաղաքացուն արտահանձնել են տնտեսական հանցագործությունների կատարման համար քրեական պատասխանատվության ենթարկելու նպատակով, հայտնում է Նովոստի-Ղազախստանը` հղում անելով երկրի Գլխավոր դատախազությանը։
Ղազախստանի 58-ամյա քաղաքացի Սուրեն Մանասյանը ձերբակալվել է Հայաստանում։ 2016 թվականի սեպտեմբերի 7-ին Գլխավոր դատախազության աշխատակիցներն ու Պետեկամուտների կոմիտեն ՀՀ-ում Ղազախստանի Հանրապետության դեսպանատան աջակցությամբ նրան արտահանձնել են Ղազախստանին։
Տղամարդուն մեղադրում են կազմակերպված խմբի կազմում կեղծ ձեռնարկություն ստեղծելու, ինչպես նաև հարկերի վճարումների խուսափմանն աջակցելու մեջ, որի հետևանքով պետությանը հասցվել է 200 մլն թենգեի վնաս։ Մանասյանն այժմ Աստանայի քննչական մեկուսարանում է։
