ԵՐԵՎԱՆ, 6 սեպտեմբերի — Sputnik. Հայաստանը «Խոցելի պետությունների ինդեքս» ամենամյա վերլուծական աղյուսակում 178 երկրների շարքում հայտնվել է 109-րդ տեղում։ Վերլուծության մեջ ներկայացված է երկրների սոցիալական և տնտեսական կայունության մակարդակը:
Ըստ զեկույցի` 10 ամենախոցելի երկրներն են Սոմալին, Հարավային Սուդանը, Կենտրոնական Աֆրիկան, Սուդանը, Եմենը, Սիրիան, Չադը, Կոնգոն, Աֆղանստանը, Հաիթին:
Ամենից քիչ խոցելի 10 երկրներն են Ֆինլանդիան, Նորվեգիան, Նոր Զելանդիան, Դանիան, Շվեյցարիան, Ավստրալիան, Իռլանդիան, Շվեդիան, Իսլանդիան և Կանադան:
Հայաստանը 69.6 ցուցանիշով գտվում է նախազգուշացվող երկրների շարքում։
Ուսումնասիրության աղյուսակը կազմելիս հաշվի են առնվում երկրներում ռազմական, սոցիալական, քաղաքական, տնտեսական կայունության 12 ցուցանիշները, այդ թվում` ժողովրդագրական ճնշումները, փախստականների և ներքին տեղահանության ենթարկվածների հարցը, անհավասար տնտեսական զարգացումը, խմբային բողոքները, աղքատությունը և տնտեսական անկումը, պետական լեգիտիմությունը, հանրային ծառայությունները, մարդու իրավունքներն ու օրենքի պահպանումը, արտաքին միջամտությունները:
