ԵՐԵՎԱՆ, 6 սեպտեմբերի — Sputnik. Ռուսաստանում տեղի ունեցավ «Բանակ-2016» միջազգային համաժողովի հանդիսավոր բացման արարողությունը, համաժողովին մասնակցում է ավելի քան 80 պետություն։
«Այս ներկայացուցչական միջոցառումը ռազմական և կրկնակի նշանակության ռուս և արտասահմանցի մշակողների և արտադրողների համար շփվելու հիանալի հնարավորություն է։ Այստեղ ցուցադրված են գիտատեխնիկական վերջին նվաճումները»,- ասաց ՌԴ պաշտպանության նախարար, բանակի գեներալ Սերգեյ Շոյգուն։
Ցուցադրությունը տեսնելու էին եկել ռազմական գործիչներ Վենեսուելայից, Սերբիայից, Չինաստանից, Հյուսիսային Կորեայից և այլ երկրներից։
Հետխորհրդային տարածքի երեք երկրներ` ՀԱՊԿ-ում Ռուսաստանի դաշնակիցներ Հայաստանը, Բելառուսը և Ղազախստանը, սպառազինության և տեխնիկական նորույթների, այդ թվում` նորարարական, մեծ ցուցադրություն են ներկայացրել։
«Անկասկած, նման մեծ ներկայացվածությունը նպաստում է միջազգային գործընկերությանը ռազմական ոլորտում,- ասաց Շոյգուն։- Համոզված եմ, որ «Բանակ-2016»-ը կնպաստի մասնակից երկրների պաշտպանական գերատեսչությունների և գիտաարտադրական համալիրների ներկայացուցիչների մտքերի կառուցվածքային փոխանակմանը։ Այդ նպատակով գործարար համաժողովի ծրագրում ներառված է ավելի քան 100 պաշտոնական միջոցառում»։
Բելառուսը ներկայացրել է նորագույն օպտիկական համակարգեր, ռազմական ռոբոտներ և Ավտոժիր թռչող սարքը։ Հայաստանը` հրետանային նշանառության սարքեր, որոնք կարող են օգտագործվել լեռնային պայմաններում։ Ղազախստանը ներկայացրել է ճեղքող զրահատեխնիկա։
«Բանակ-2016» համաժողովը կշարունակի մինչև սեպտեմբերի 11-ը։
