ԵՐԵՎԱՆ, 4 սեպտեմբերի — Sputnik. 2008 թվականին կառավարության որոշմամբ սեպտեմբերի 4-ը հռչակվեց հայ փրկարարի օր։
Հայ փրկարարները արտակարգ իրավիճակների հետեւանքների վերացման մեծ փորձ ունեն:
1988-ին նրանք Խորհրդային միությունից հազարավոր այլ կամավորների հետ միասին փրկել են երկրաշարժից տուժած բազմաթիվ բնակիչների կյանքեր:
Սպիտակի երկրաշարժի գլխավոր դասերից մեկը դարձավ Հայաստանում ու ԽՍՀՄ մյուս հանրապետություններում փրկարարական ծառայությունների ստեղծումը:
Այսօր էլ հայ փրկարարները պատվով ու բարձր պատասխանատվությամբ են իրականացնում իրենց աշխատանքը, օգնելով քաղաքացիներին՝ դուրս գալ տարանույթ բարդ իրավիճակներից։
Վաղը՝ սեպտեմբերի 5-ին, ՀՀ արտակարգ իրավիճակների նախարարությունում կկայանա ԱԻՆ աշխատակցի օրվան և Հայաստանում բնակչության պաշտպանության համակարգի 25-րդ տարեդարձին նվիրված կոչումների շնորհում, այնուհետև՝ կմեկնարկի կոլեգիայի հանդիսավոր նիստը, որը վարելու է ՀՀ արտակարգ իրավիճակների նախարար Արմեն Երիցյանը։
