ԵՐԵՎԱՆ, 2 սեպտեմբերի — Sputnik. Ադամ Շիֆն իր ֆեյսբուքյան էջում հրապարակած շնորհավորական ուղերձում անդրադարձել է նաև ապրիլին տեղի ունեցած քառօրյա պատերազմին:
«Այսօր նշվում է Լեռնային Ղարաբաղի անկախության 25-ամյակը, որը նաև առիթ է ոգեկոչելու բոլոր այն մարդկանց հիշատակը, որոնց կյանքի գնով ձեռք է բերվել Արցախի ազատությունը: Չնայած քառորդ դար տևած անկախության ընթացքում հանդիպած բազմաթիվ մարտահրավերներին` Լեռնային Ղարաբաղը աճող տնտեսությամբ ժողովրդավարական երկիր է:
Այս տարվա ապրիլին Ադրբեջանը իրագործել է իր ամենավայրագ հարձակումը շփման գծի ողջ երկայնքով, ինչը հանգեցրել է հարյուրավոր քաղաքացիների և զինվորականների մահվան: Միացյալ Նահանգները պետք է կանխի այս վտանգավոր և ապակայունացնող ագրեսիան` պատասխանատվության ենթարկելով Ադրբեջանին, հետաքննելով պատերազմական հանցագործությունները և պահանջելով խաղաղ կարգավորման հաստատումը», — գրել է ԱՄՆ կոնգրեսականը։
