ԵՐԵՎԱՆ, 31 օգոստոսի — Sputnik. Օգոստոսի 31-ին ՀՀ առաջին նախագահ Լևոն Տեր-Պետրոսյանը հանդիպել է Հայաստանում Լեհաստանի արտակարգ և լիազոր դեսպան Եժի Մարեկ Նովակովսկու հետ` վերջինիս նախաձեռնությամբ:
Հանդիպման ընթացքում քննարկվել են Ընտրական օրենսգրքի փոփոխությունների հետ կապված վերջին զարգացումները, Հայաստանի ներքաղաքական իրավիճակը: Անդրադարձ է եղել նաև Լեռնային Ղարաբաղի հակամարտության կարգավորման ներկա վիճակին, ինչպես նաև հայ-լեհական հարաբերությունների պատմությանն ու հեռանկարներին առնչվող հարցերին:
