ԵՐԵՎԱՆ, 30 օգոստոսի — Sputnik. Բիշքեկում ՉԺՀ-ի դեսպանատան մոտ տեղի ունեցած ահաբեկչական գործողությունը կարող էին իրականացրել սահմանամերձ շրջանների չինացի իսլամիստները կամ Ղրղըզստանի նրանց գործակալները, կարծում է ԱՊՀ երկրների ինստիտուտի տնօրենի տեղակալ Վլադիմիր Ժարիխինը։ Այս մասին հայտնում է Սպուտնիկ Կիրգիզստանը։
Երեքշաբթի առավոտյան մահապարտ ահաբեկիչը Mitsubishi Delica ավտոմոբիլով կոտրել է դիվանագիտական ներկայացուցչության դարպասները, որից հետո պայթեցրել է ինքն իրեն։ Կոտրվել են հարևան տների պատուհանների ապակիները, վնասվել են խանութների ցուցափեղկերը։ Քաղաքագետը կարծում է, որ ահաբեկիչների նպատակ են ունեցել ցույց տալ, որ իրենք ճնշված չեն։
Քաղաքագետը Բիշքեկում իրավիճակը գնահատել է որպես կայուն։
«Այդ ահաբեկչական գործողությունը միանգամյա գործողություն է և հազիվ թե ֆունդամենտալ խնդիրներ ստեղծի անվտանգության առումով։ Առավել ևս, որ դա չինական խնդիրների հետևանք է»,- ասել է Ժարիխինը։
Միաժամանակ փորձագետը չի բացառել, որ ահաբեկչության պատասխանատվությունը կարող են ստանձնել «Իսլամական պետության» գրոհայինները։
Ահաբեկչական գործողության հետևանքով վիրավորվել են դեսպանատան այգեգործները, որոնք Ղրղըզստանի քաղաքացիներ են։ Չինացի դիվանագետները չեն տուժել։
