Շախմատը նա իր կյանքի գլխավոր գործն է համարում և հետագայում էլ ցանկանում է շարունակել ու համալրել ականավոր գրոսմայստերների ցանկը։
«Պապիկս է շախմատիստ, նա է ինձ սովորեցրել շախմատը, քայլերը, ես նրա հետ էի շախմատ խաղում, մինչև գնացի պարապմունքների, այդտեղից սկսվեց, և ես սկսեցի զբաղվել շախմատով», — Sputnik Արմենիայի թղթակցի հետ զրույցում ասաց Մամիկոնը։
Նա խոստովանեց, որ հետաքրքրվում է ֆուտբոլով, Մադրիդի «Ռեալի» երկրպագուն է։ Դպրոցում լավ է սովորում, թեև ասում է, որ ժամանակ չունենալու պատճառով շատ ժամանակ դրան հատկացնել չի ստացվում։
Մամիկոնը կարծում է, որ շախմատում ամենադժվարը կենտրոնանալն է, ինչպես նաև զգացմունքներին չտրվելը։
