ԵՐԵՎԱՆ, 30 օգոստոսի — Sputnik. Ռուսաստանի քաղաքացի Սերգեյ Միրոնովը, որն ԱՄՆ-ի հարցումով ձերբակալվել էր Երևանի օդանավակայանում, պատրաստվում է օգոստոսի 31-ին վերադառնալ հայրենիք։ Այս մասին հայտնում է ՌԻԱ Նովոստին` հղում անելով նրա փաստաբան Կարեն Ներսիսյանին։
«Միրոնովը հետադարձ տոմս է ունեցել, մեկնումը հենց վաղն է` օգոստոսի 31-ին։ Եթե դատախազությունը նրան չկանչի, ապա մենք կմեկնենք Ռուսաստան»,- ասել է պաշտպանը` ավելացնելով, որ իրեն և Միրոնովին տվյալ պահին դատախազությունից չեն կանչել։
«Միրոնովը տեղաշարժման հետ կապված սահմանափակումներ չունի»,- ասել է Ներսիսյանը։
30-ամյա Միրոնովը ձերբակալվել է Երևանի օդանավակայանում օգոստոսի 26-ին: ԱՄՆ-ն նրա նկատմամբ միջազգային հետախուզում էր հայտարարել` զենք վաճառելու կասկածանքով: Ներկա պահին Միրոնովը ձերբակալված է և գտնվում է մեկուսարանում: Նրան ԱՄՆ-ին հանձնելու հարցը դատարանը հավանաբար կորոշի երկուշաբթի:
