ԵՐԵՎԱՆ, 30 օգոստոսի — Sputnik. Հռոմի Ֆրանցիսկոս պապը հանդիպել է Facebook սոցցանցի հիմնադիր Մարկ Ցուկերբերգի և նրա կնոջ հետ, հայտնում են Վատիկանի ԶԼՄ-ները:
Հաղորդագրությունում նշված է, որ նրանք քննարկել են այն հարցը, թե ինչպես օգտագործել հաղորդակցման տեխնոլոգիաները` աղքատության դեմ պայքարելու և կենդանի շփման մշակույթը խրախուսելու համար:
Հռոմի պապը և Ցուկերբերգը քննարկել են նաև այն միջոցառումները, որոնք կօգնեն հույս տալ դժվար վիճակում գտնվող մարդկանց:
Ցուկերբերգը Հռոմի պապին նվիրել է անօդաչու սարքի խաղալիք մոդել։
