ԵՐԵՎԱՆ, 29 օգոստոսի — Sputnik. Վերաքննիչ քրեական դատարանը մերժեց Ժիրայր Սեֆիլյանի կալանքի ժամկետը երկարացնելու դեմ նրա փաստաբանների ներկայացված բողոքը: Նշենք, որ օգոստոսի 2-ին դատարանը բավարարել էր Սեֆիլյանի կալանքի ժամկետը երկարացնելու` նախաքննական մարմնի միջնորդությունը:
Ժիրայր Սեֆիլյանին մեղադրանք էր առաջադրվել 2016թ. հունիսի 22-ին՝ մի խումբ անձանց կողմից՝ նախնական համաձայնությամբ ապօրինի զենք, ռազմամթերք, պայթուցիկ նյութեր ձեռք բերելու, իրացնելու, պահելու, փոխադրելու, կրելու համար: Հունիսի 2-ին Սեֆիլյանը երկամսյա կալանքի էր ենթարկվել:
