ԵՐԵՎԱՆ, 28 օգոստոսի — Sputnik. Ռուսաստանի պարալիմպիկ հավաքականի վերաբերյալ ընդունված որոշումները, այդ թվում` ռուսական 22 քվոտաների վերաբաշխումը (որոնք հասել են ԱՄՆ-ի թիմին), անօրինական են, «Ռ-Սպորտ» գործակալության թղթակցին է հայտնել Ռուսաստանի Պարալիմպիկ կոմիտեի (ՌՊԿ) նախագահ Վլադիմիր Լուկինը: Այս մասին գրում է ՌԻԱ Նովոստին:
Օգոստոսի 28-ին հայտնի է դարձել, որ ԱՄՆ Պարալիմպիկ կոմիտեն ևս 22 արտոնագիր է ստացել Ռիո դե Ժանեյրոյի խաղերի համար: Այդ քվոտաները պատկանում էին 2016 թվականի Պարալիմպիկ խաղերից հեռացված Ռուսաստանի հավաքականին:
«Իմ կարծիքը չի փոխվել. ռուսական թիմի վերաբերյալ բոլոր որոշումներն անօրինական են: Անօրինական եղել են, կան ու այդպես էլ կմնան: Եվ մենք սա հենց այնպես չենք թողնի, այսքան բան», — ասել է Լուկինը:
