ԵՐԵՎԱՆ, 28 օգոստոսի — Sputnik. Ռուսաստանը դեպի Թուրքիայի չարտերային չվերթերի վերաբերյալ սահմանափակումների չեղարկման մասին որոշում է ընդունել, հայտնում է ՌԻԱ Նովոստին` հղում անելով Ռուսաստանի կառավարության կայքէջին:
Փաստաթուղթը փոփոխություններ է մտցնում 2015 թվականի նոյեմբերի 30-ին նախարարների կաբինետի որոշման մեջ: Այդ որոշմամբ սահմանափակումներ էին մտցվել չարտերային փոխադրումների վրա:
«Լրացուցիչ միջոցներ ձեռնարկել Թուրքիայի Հանրապետության հետ օդային կանոնավոր չվերթեր իրականացնելու ժամանակ ավիացիոն անվտանգությունն ապահովելու համար», — գրված է փաստաթղթում:
Բացի այդ, ՌԴ-ի և Թուրքիայի միջև չարտերային չվերթեր իրականացնող ավիափոխադրողներին խորհուրդ է տրվում հավելյալ միջոցներ ձեռնարկել ավիացիոն անվտանգություն ապահովելու համար:
