ԵՐԵՎԱՆ, 28 օգոստոսի — Sputnik. ՀՀ ոստիկանության անձնագրային և վիզաների վարչության պետ Մնացական Բիչախչյանը Ֆեյսբուք սոցիալական ցանցի իր էջում գրառում է կատարել նշված տեղեկանքը ստանալու ընթացակարգի մասին:
Նման տեղեկանքներ պահանջվում են նաև նախադպրոցական ուսումնական հաստատություններ (մանկապարտեզ) առաջին անգամ հաճախող երեխաներից:
«Տեղեկացնում եմ, որ նշված տեղեկանքը ստանալու համար երեխայի ծնողներից մեկը կամ նրա կողմից լիազորված անձը կարող է դիմել տարածքային անձնագրային ծառայություն կամ անձնագրային և վիզաների վարչություն: Մինչև 16 տարեկան երեխաներին հաշվառման վերբերյալ տեեկանք տրամադրելու համար պետական տուրք չի գանձվում»,- ընդգծել է Բիչախչյանը:
ՀՀ ոստիկանության անձնագրային և վիզաների վարչության պետը նոր ուսումնական տարվա կապակցությամբ մաղթել է գիտելիքներով լի տարի, անհոգ մանկություն և բոլորին այն առողջ գիտակցումը, որ երեխաները և երիտասարդ սերունդը երկրի ապագան են:
