ԵՐԵՎԱՆ, 27 օգոստոսի — Sputnik. Քաղաքապետարանի հրապարակած հաղորդագրության մեջ նշվում է, որ ներքաղաքային ավտոբուսային թիվ 34 երթուղու շահագործման դադարեցումը պայմանավորված է երթուղին սպասարկող «Կարեն 96» ընկերության գործունեությունը կասեցնելու մասին դատարանի վճռով:
«Հաշվի առնելով, որ նշված երթուղու ուղեգծում գտնվող Բաբայան փողոցից մինչև Հր. Քոչար փողոցն ընկած հատվածի սպասարկումն ապահովվել է միայն վերոնշյալ երթուղու միջոցով, որոշվել է միկրոավտոբուսային թիվ 65 երթուղու ուղեգծում ներառել նաև տվյալ հատվածի սպասարկումը»,- նշված է հաղորդագրության մեջ:
