ԵՐԵՎԱՆ, 27 օգոստոսի — Sputnik. «Զվարթնոց» օդանավակայանում հայ օլիմպիականներին դիմավորեցին մեծ շուքով ու ոգևորությամբ:
«Ես անչափ շնորհակալ եմ ու անչափ հուզված եմ: Անսահման սեր եմ զգում իմ ժողովրդի կողմից, իսկ դա ամենալավ բանն է, սա կյանք է, հույզերն ու զգացողությունները… Սա ինձ համար անհավանական է: Ես չեմ կարող բացատրել, փոխանցել զգացողություններս: Այսքանից հետո, ինչ ես տեսա այստեղ և ապրեցի, հենց այնպես սպորտից չեմ հեռանա: Ես իմ ազգին այսպիսի մի ուրախություն էլի կնվիրեմ»,- ասաց Միհրան Հարությունյանը:
Ռիո-2016-ի խաղերի ժամանակ մրցավարական սխալ գնահատման պատճառով ոսկու փոխարեն արծաթե մեդալի արժանացած Միհրանը գրառում է արել նաև Instagram-ի իր էջում:
«Այս ամենն անհնար է նկարագրել: P.S. Դուք ինձ ուժեղանալու առիթ եք տալիս: Խոնարհումս բոլորին…»:
