Փրկարարներն էքսկավատորների օգնությամբ վերացնում էին ավերածությունները Ամատրիչե քաղաքում, որը օգոստոսի 24-ին ամենից շատ էր տուժել երկրաշարժից։
Տեղի բնակիչները և կամավորները օգնում էին վերացնել ավերածության հետևանքները և հանել մարդկանց փլատակների տակից։
Շատերը մինչև հիմա անհետ կորած են համարվում, սակայն դեռ պարզ չէ` նրանք քանիսն են։
Չորեքշաբի` օգոստոսի 24-ի գիշերը ուժեղ երկրաշարժ է տեղի ունեցել Իտալիայի կենտրոնական մասում։ Երկրաշարժի էպիկենտրոնը գտնվում էր Լացիո շրջանի Ակումոլի քաղաքի մոտ։ Ավերածություններ են գրանցվել երեք շրջաններում` Լացիո, Ումբրիա և Մարկե։
