ԵՐԵՎԱՆ, 25 օգոստոսի — Sputnik. «Բանակ-2016» ռազմատեխնիկական ֆորումի ընթացքում, որը կանցկացվի «Պատրիոտ» այգում սեպտեմբերի 6-11-ը, Հայաստանը, Ղազախստանը, Բելառուսն ու Պակիստանը կներկայացնի 29 ձեռնարկություն, հայտնել է Ռուսաստանի ՊՆ գիտահետազոտական գործունեության գլխավոր վարչության պետ Ալեքսանդր Միրոնովը։
«Նախատեսված է չորս ազգային ցուցասրահ ներկայացնել. Հայաստանը կներկայանա 5 ձեռնարկությամբ, Բելառուսի հանրապետությունը` 9, Ղազախստանի հանրապետությունը` 6, Պակիստանը` 9», — ասել է Միրոնովը Եվրոպայի, Մերձավոր Արևելքի, Աֆրիկայի և Ասիական-խաղաղօվկիանոսյան տարածաշրջանի ավելի քան 50 երկրների ռազմական կցորդների հետ հանդիպման ժամանակ։
Բացի նրանցից` ֆորումի աշխատանքին նախատեսում են մասնակցել ձեռնարկություններ Գերմանիայից, Հնդկաստանից, Իսրայելից, Իռլանդիայից, Չինաստանից, Մալայզիայից, Թայլանդից, Ֆրանսիայից և Շվեյցարիայից։ Նա նաև հիշեցրել է, որ 2015 թվականին ֆորումին մասնակցել է 28 արտասահմանյան ձեռնարկություն` 7 պետությունից։
Ինչպես նշել են ռազմական գերատեսչությունում, 2016 թվականի ֆորումին ընդհանուր առմամբ հրավիրված է 107 երկիր, որոնցից այսօր 86-ը հաստատել է իրենց մասնակցությունը, իսկ 45-ը նախատեսում է պաշտոնական պատվիրակություններ ուղարկել։ 2015 թվականին հրավիրված 100 երկրներից ֆորումին մասնակցեցին 73-ը, այդ թվում 38-ը` պաշտոնական պատվիրակության կազմով։
