ԵՐԵՎԱՆ, 24 օգոստոսի — Sputnik. Վերջին տվյալով` 20 մարդ մահացել է Մարկեի շրջանում, 53-ն էլ` Ակումոլի և Ամատրիչե քաղաքներում (Լացիոյի շրջան)։ Այս մասին հայտնում է ՌԻԱ Նովոստին` հղում անելով Իտալիայի քաղաքացիական պաշտպանության ազգային ծառայության պաշտոնական ներկայացուցիչ Իմակոլատ Պաստիլիոնեին։
Նրա խոսքով` անհետ կորածների թիվը դեռ հնարավոր չէ որոշել։ Ինչ վերաբերում է վիրավորներին, ապա նրանց թիվը 100-ի է հասնում։
Երկրաշարժի առաջին ցնցումը (6.0 մագնիտուդ) գրանցվել է 03.36-ին։ Էպիկենտրոնը գտնվել է Ակումոլի քաղաքի մոտ, շուրջ 4 կմ խորության վրա։
