ԵՐԵՎԱՆ, 23 օգոստոսի — Sputnik. Բրյանսկում բնակվող Արսեն անունով երիտասարդին վերակենդանացման բաժանմունք են տարել օգոստոսի 21-ին Մարտի 8 փողոցում գտնվող բարձրահարկ տան պատուհանից ցած ընկնելուց հետո, գրում է bryansku.ru-ն։
Տղայի հարազատները համոզված են, որ նրան ծեծել ու պատուհանից դուրս են շպրտել։ Հարևաններն ասում են, որ տղան իր ընկերուհու բնակարան է ներխուժել ու ընկել այդ տան պատուհանից։
Իրավապահ մարմինները նախաքննություն են անցկացնում։
Հարազատները սոցցանցերի միջոցով փորձում են գտնել միջադեպի ականատեսներին։ Տղան գտնվում է վերակենդանացման բաժանմունքում` ծանր վիճակում։
