ԵՐԵՎԱՆ, 22 օգոստոսի — Sputnik. «Անքակտելի եղբայրություն-2016» վարժանքները օգոստոսի 23-27-ը կանցկացվեն Բրեստի մարզի «Օբուզ-Լեսնովսկի» զորավարժարանում: Բացի բելառուս զինվորականներից, վարժանքներին կմասնակցեն նաև Հայաստանի, Ռուսաստանի, Ղազախստանի, Ղրղըզստանի և Տաջիկստանի խաղաղապահները։
Վարժանքների շրջանակներում խաղաղապահները կիրականացնեն պայմանական հակամարտող կողմերի տարանջատման, բուֆերային գոտիների ստեղծման, շարժական հսկիչ անցակետերի գործունեության կազմակերպման առաջադրանքները։
Ռուս զինվորականները առաջադրված խնդիրները կատարելու համար կներգրավեն հետախուզական, ինժեներային, սակրավորների դասակներ, ռադիացիոն, քիմիական և կենսաբանական հետախուզության ջոկ, թիկունքային և տեխնիկական ապահովման ստորաբաժանումներ, նաև անօդաչու թռչող սարքեր:
