ԵՐԵՎԱՆ, 21 օգոստոսի — Sputnik. Մահապարտը պայթեցրել է գոտին Գազիանթեպ քաղաքում հարսանիքի ժամանակ` ամբոխի մեջ, հայտնում է ՌԻԱ Նովոստին` հղում անելով Ռոյթերս գործակալությանը, որը մեջբերում է ականատեսի խոսքը:
Տեղի իշխանությունների տվյալներով, կիրակի գիշերը հարսանեկան արարողության ժամանակ տեղի ունեցած պայթյունից զոհվել է 50 մարդ, տասնյակ անձինք վնասվածք են ստացել:
«Հարսանեկան խնջույքը մոտենում էր ավարտին, երբ ուժեղ պայթյուն որոտաց պարող մարդկանց շարքերում», — գործակալությունը մեջբերում է այդ պահին դեպքի վայրում եղած 25-ամյա Վելի Կանի խոսքերը:
Նրա խոսքով, պայթյունի վայրում ամենուրեք արյուն էր և մարդկային մարմինների մասեր:
Ավելի վաղ քաղաքի դատախազության ներկայացուցիչը հայտնել էր, որ դեպքի վայրում ոստիկանության քննիչները հայտնաբերել են մահապարտ ահաբեկչի գոտու մնացորդները:
Հարձակումը տեղի է ունեցել հարսանեկան խնջույքի ժամանակ: Նահանգապետ Ալի Յերլիկայան եղածն ահաբեկչություն է որակել:
Թուրքիայի նախագահ Ռեջեփ Թայիփ Էրդողանը կիրակի օրը հայտնել է, որ պայթյունի համար, հավանաբար, պատասխանատու է «Իսլամական պետություն» ահաբեկչական խմբավորումը:
