ԵՐԵՎԱՆ, 21 օգոստոսի — Sputnik. «ԿԱՄԱԶ ԱՐՄԵՆԻԱ» ՓԲԸ ռազմարդյունաբերական հայ-ռուսական համատեղ առաջին ձեռնարկությունը կմասնակցի ArmHiTec-2016 սպառազինության և պաշտպանական տեխնոլոգիաների միջազգային ցուցահանդեսին, հայտնում է ցուցահանդեսի մամուլի ծառայությունը:
«ԿԱՄԱԶ ԱՐՄԵՆԻԱ» ՓԲԸ-ն հիմնադրվել է 2013 թվականին, հայ-ռուսական ռազմատեխնիկական համաձայնագրի հիման վրա և դարձել առաջին համատեղ ձեռնարկությունը, որը ստեղծվել է Հայաստանի և Ռուսաստանի միջև ՌԱՀ ոլորտում համագործակցության շրջանակներում:
«ԿԱՄԱԶ ԱՐՄԵՆԻԱ» ՓԲԸ-ի հիմնական նպատակն է՝ ապահովել Հայաստանի ՊՆ-ն ռազմական տեխնիկայով և կրկնակի նշանակության տեխնիկայով, որոնք ստեղծված են «ԿԱՄԱԶ» մակնիշի տրանսպորտային միջոցի հիման վրա, ինչպես նաև «ԿԱՄԱԶ»-ի մոդելային շարքի ներկայացումը և քաղաքացիական կազմակերպությունների համար յուրօրինակ պահեստամասերի առաջարկումը:
ArmHiTec-2016 սպառազինության և պաշտպանական տեխնոլոգիաների միջազգային ցուցահանդեսի շրջանակներում «ԿԱՄԱԶ ԱՐՄԵՆԻԱ» ՓԲԸ-ն կներկայացնի համատեղ աշխատանքի փորձը, ինչպես նաև արդյունաբերական կորպորացիայի զարգազմանն ուղղված ժամանակակից մոտեցումները:
ArmHiTec-2016 ցուցահանդեսն անցկացվելու է 2016 թվականի հոկտեմբերի 13-15-ը՝ Երևանում: Ցուցահանդեսի նպատակն է՝ ներկայացնել նորագույն ռազմական սարքավորումները, ինչպես նաև Հայաստանի և այլ երկրների պաշտպանական ոլորտի նորարար մշակումները: Գործնական մեծ ծրագիր է նախատեսվում:
