ԵՐԵՎԱՆ, 21 օգոստոսի-Sputnik. Այսօր՝ ժամը 6-ից մինչև 20-ը, Լարսի ավտոճանապարհը կբացվի, իսկ երեկոյան ժամերին, անվտանգության նկատառումներից ելնելով, կրկին կփակվի:
Այդ մասին տեղեկացնում է ՀՀ արտակարգ իրավիճակների նախարարությունը՝ հղում անելով Վրաստանի ՆԳՆ ԱԻ դեպարտամենտին։
Ավտոճանապարհը բաց է բոլոր տեսակի ավտոմեքենաների համար հետևյալ կանոնների պահպանման դեպքում.
.միաժամանակ երկու կողմերից հանդիպակաց երթևեկությունն արգելվում է,
.երթևեկությունը պետք է իրականացվի առանց կանգառների,
.ինտենսիվ տեղումների դեպքում արգելել տրանսպորտային միջոցների երթևեկությունը:
Երթևեկությունը նշված կարգով իրականացվում է պարեկային ոստիկանության անմիջական վերահսկման և կոորդինացման ներքո:
