ԵՐԵՎԱՆ, 20 օգոստոսի — Sputnik. Հունահռոմեական ըմբշամարտում մեծ հաջողություններից հետո մենք անհամբեր սպասում էինք ազատ ոճային ըմբիշների ելույթենրին: Օլիմպիական խաղերի նախավերջին օրը Հայաստանի հավաքականի կազմում գորգ դուրս եկավ գերծանր քաշային Լևան Բերիանիձեն:
Հաղթելով առաջին մրցակիցներին` չինացի Ժիուեյ Դենգին և հունգարացի Դավիթ Լիգետիին, մեր հավաքականի ըմբիշը կիսաեզրափակչում պարտվեց թուրք Թահա Աքգյուլին:
Բրոնզե մեդալի համար պայքարում Բերիանիձեի մրցակիցը Բելառուսը ներկայացնող Իբրահիմ Սայիդովն էր: Բերիանիձեն ցավալի պարտություն կրեց: Նախ մեր ըմբշիը հաղթում էր 1:0 հաշվով, հետո պարտվում էր 1:2 հաշվով: Ու չնայած գոտեմարտն ավարտվեց 2:2 հաշվով, բրոնզե մեդալը բաժին հասավ Սայիդովին:
